قصة مرات زوجي
انا هكتب مشكلتي عشان انا والله مـا ليا حد اشوره
انا مطلقة وعندي بنت وسني 23 سنة اتطلقت من واحد ربنا يديه علي أد نيته وافعاله وقعدوا يقولوا مش هيجيلك حد وخلاص بختك وقف
لغاية لمـا ربنا بعتلي واحد الكل كان مـستغرب انه جالي فـلـوس واملاك وصحة وعيلته عاليه وسـمعته حلوة
متجوز ومخلفش وافقت وقولت انا لازم انجح في الجوازة دي وربنا يوفقني
اول مشكلة عنده عمـارة قاعدة فيها مرات ه الاولي مرضيش يقعدني فيها وقعدني في شقة في بيت اخـوه في الشارع اللي وراهم سلفتي كل مـا تشوفني تقولي جايبك مخلفة عشان يضـمن وتضحك
اول تلت ايام في الجواز قضاهم معايا ورابع يوم لقيته راح لمراته الاولي اقسـم بالله اتقهرت وفضل عندها اسـبوع وكان بيتصل عليا وخلاص
و دلوقتي بيجي يومين عندي والباقي عندها ومش بيبات بيقعد ساعتين تلاته ويروح عندها
و سلفتي مركزة معايا وتقولي اني هــبلة ومعرفتش اربطه زي ضرتي ولا حـتـي عرفت احـمـل بعد 5 شهور جواز
فقولت هروح لمراته الاولي
روحـت وصــراحة عاملتني بإحـتـرام وضايفتني وهي ست جميلة شكلا مقدرش انكر بس شايفة نفسها فقولتلها تخليه يعدل يجي 3 ايام عندك و3 عندي قالتلي خـوديه الاّّسـبوع كله مش مهم انا راضيه
وشقتها احلي واوسع من شقتي وبـاين عليها العز وكأنه بيديها فـلـوس اكتر وازيد وانا لا بيديني بالقليل
اليوم اللي روحـتـلها فيه حصلت الكـارثة
جه عمل معايا مشكلة لرب السـمـا وكان هيضربني وقالي شغل الارشانات ده ميتعملش معـاها وانتي فـاكرة انك كده
هتحرقي دمـها يعني قولتله ده بتقولي خـوديه الاّّسـبوع كله ومش رايداك شـتـمــني ومن ساعتها وهو بيقضي الاّّسـبوع كله عندها
ومش بشوفه مكنتش اعرف انها ست حرباية كده بتقول كلام عشان اروح اقولهوله ويتجنن عليا
لو هي مش عايزاه مش بتطلق ليه وهو عندها بيعمل ايه
اعمل ايه لو اتطلقت هيبقي خراب تاني وساعتها مش هعرف اتجوز تالت
سلفتي كل مـا تشوفني تقولي معلش بقي اصل الراجل بيحــب الست البايعة وتضحك بصفـار.
تعليقات
إرسال تعليق